Эрэгтэйчүүдийн эмнэлэг, тэдэнд үйлчлэх шинжилгээний газрууд ховор байсан цаг үе хэдийнээ ард хоцорчээ. Зөвхөн эрэгтэйчүүдийн эмнэлгээс гадна эрчүүдэд зориулан шинжилгээ авдаг эмнэлэг, эмч нарийн чадвар, тоног төхөөрөмж аль аль нь өдрөөс өдөрт сайжран хөгжсөөр байна. Эрчүүд ямар нэг зүйлээс санаа зовох шаардлагагүйгээр найрсаг дотно үйлчилгээг дараах эмнэлгүүд үзүүлж байна.
1. ЦЭ-ПҮ ЭРЧҮҮДИЙН ЭМНЭЛЭГ
1996 онд анх байгуулагдсан эрэгтэйчүүдийн эмнэлгийн анхдагч гэгддэг Цэ & Пү эмнэлэг эрэгтэйчүүдийн үргүйдлийн 2 шатны шинжилгээ болох дааврын шинжилгээ, микро биологийн шинжилгээ зэрэг эрчүүдийн өвчнөөр дагнасан оношилгоо, эмчилгээг мэргэжлийн эмч хамт олонтойгоор хийж үйлчилж байна.
2. ГЯЛС ТӨВ
1997 оноос хойш Монголчууд бидний танил болсон тус эмнэлэг одоогоор эмнэлзүйн лабораторийн найман төрлийн 124 шинжилгээ хийж 300 гаруй үзүүлэлт гаргаж байна. Мөн 17 төрлийн насны бүлэг, хүйснээс хамаарсан урьдчилан сэргийлэх зорилтот багц шинжилгээ, байгууллагын ажилчдын эрүүл мэндийн урьдчилан сэргийлэх үзлэг, шинжилгээ, VIP үйлчилгээ, багажийн шинжилгээ, үндсэн болон төрөлжсөн мэргэжлийн эмч нарын үзлэг, оношилгоо, эмчилгээ, зөвлөгөө, хяналт хийж байна. Эмнэлгийн дотоод засал, дугаар аван эмх замбараатай үйлчлүүлэх боломж олгодог нь эрчүүдэд санаа зовохгүй зүйлгүй шинжилгээнд хамрагдах нөхцөлийг олгож байна.
3. ГАРЬД МАНЛАЙ ЭРЭГТЭЙЧҮҮДИЙН КЛИНИК ЭМНЭЛЭГ
1998 оноос хойш эрэгтэйчүүдийн өвчин судлалаар дагнан ажилласан эмнэлэг юм. Эрэгтэйчүүдийн өвчний шинжилгээ болон эмчилгээндээ түлхүү анхаарч сүүлийн үеийн тоног төхөөрөмж бүхий нэг дор бүрэн шинжилгээ хийгддэг PCR гэгдэх аппаратыг эх орондоо нэвтрүүлэн ажиллаж байгаа.
4. СУПЕРНОВА БҮТЭН БИЕИЙН ОНОШИЛГОО
Супернова эмнэлгийн хувьд бүтэн биеийн оношилгоо хийдэг ба үйлчилгээний чанар орчин нь эрэгтэйчүүд үйлчлүүлэхэд нэн таатай. Үүнээс гадна тус эмнэлгийн үйлчлүүлэгчдэд санал болгодог залуус багц, үндсэн багц, 40+ багц, супер багц гэх 4 төрлийн онцгой багцууд нь үйлчлүүлэгчдийн таашаалыг ихээхэн хүртээд байгаа. Жишээ нь
- Үндсэн багц нь дунд насныханд зориулсан 36 төрлийн шинжилгээ, оношилгоо
- Залуус багц нь 24 төрлийн шинжилгээ, оношилгоо
- 40-с дээш насныханд зориулсан 46 төрлийн шинжилгээ, оношилгоо
- Ахмад настнуудад зориулсан 49 төрлийн шинжилгээ, оношилгоог тус тус хийж байна.
СУПЕРНОВА БҮТЭН БИЕИЙН ОНОШИЛГОО
ХАЯГ: 3-р эмнэлгийн төв хаалганаас зүүн урд талд СУПЕРНОВА бүтэн биеийн оношилгооны төв.
