Монголын улсын хөдөлмөрийн хуулиар "хөдөлмөрийн нөхцөл” гэж хөдөлмөрлөх явцад хүний ажиллах чадвар, эрүүл мэндэд дагнасан буюу хавсарсан байдлаар нөлөөлөх ажлын байрны болон үйлдвэрлэлийн орчныг тодорхойлдог. Харин Хөдөлмөрийн аюулгүй байдал, эрүүл ахуй гэдэг нь хөдөлмөрлөх явцад хүний ажиллах чадвар, эрүүл мэндийг хэвээр хадгалах, эрүүл, аюулгүй нөхцлийг бүрдүүлэхэд чиглэсэн нийгэм, эдийн засаг, зохион байгуулалт, техник, технологи, ариун цэвэр, эрүүл ахуйн арга хэмжээ авах, эмчлэх, сувилах, нөхөн сэргээх, эрсдлээс хамгаалах үйл ажиллагаа юм. Тэгвэл ажилчдын ажиллах орчин нөхцөл ямар байх шаардлагатай вэ?
1. Хөдөлмөрийн эрүүл ахуйг сахих
Үйлдвэрлэл, үйлчилгээний явцад хими, физикийн болон биологийн хүчин зүйлээс шалтгаалан ажиллагсдын бие бялдар, мэдрэл сэтгэхүйд өөрчлөлт орж өвчлөх, хөдөлмөрийн чадвар буурах явдлаас урьдчилан сэргийлэхэд чиглэсэн бүхий л арга хэмжээг авах.
2. Эрүүл аюулгүй орчныг бүрдүүлэх
Тухайн компанийн үйл ажиллагаа чиглэлээс хамааран эрүүл аюулгүй ажиллах орчныг бүрдүүлэхэд өөр өөр шаардлага тавигдах хэдий ч ерөнхийдөө тухайн ажлын гүйцэтгэх явцад ажилчид болгоомжгүйгээр өөрсдийгөө гэмтээхгүй байхад чиглэсэн орчин нөхцлийг бүрдүүлэх нь чухал.
3. Хязгаарлагдмал орчныг онцгой анхаарах
Хэд хэдэн хүчин зйүлээс хамааран "Хязгаарлагдмал орчин"-ыг тодорхойлж болно. Тухайлбал, хүн ажиллах зориулалтгүй газар, орц болон гарц нь хязгаарлагдсан орчин, агаарт аюултай бодис дэгдэж буй газар зэргийг хязгаарлагдмал орчинд тооцдог. Энэ тохиолдолд эрсдлийн дүн шинжилгээ хийлгэж, учирч болзошгүй олон асуудлаас ажилчдын эрүүл мэндийг сайтар хамгаалах хэрэгтэй.
БАЙГУУЛЛАГЫН БАГЦ
ҮНЭ: ₮145,000ХАЯГ: 3-р эмнэлгийн төв хаалганаас зүүн урд талд СУПЕРНОВА бүтэн биеийн оношилгооны төв.
