Гадны улс орнууд ажилчдын эрүүл мэндэд хэрхэн анхаардаг вэ?

Монгол улсын нөхцөлд эрүүл мэндийн даатгалаар эмнэлэг, эрүүл мэндийн үйлчилгээ авна гэдэг тун хэцүү. Тиймээс гадны улс орнуудын ажил олгогчид ажилчдынхаа эрүүл мэндэд хэрхэн анхаарал хандуулдаг талаарх мэдээллийг хүргье. 

1. Америк улс

Employer-sponsored health insurance буюу ажил олгогчоос гарч буй эрүүл мэндийн даатгалын систем нь АНУ-д алдартай. Энэхүү даатгалд ойролцоогоор 147 сая хүн хамрагдсан байдаг. Том жижиг дунд бүхий л компаниуд ажилчдынхаа эрүүл байдлыг хангахын тулд уг даатгалд хамрагддаг. 

2. Австрали улс

Австралийн ажил олгогчид ажилчдынхаа биеийн болон сэтгэцийн эрүүл мэндийг ихээр анхаардаг. Баруун Австралид аюулгүй ажиллагааны өндөр зэрэглэлийн стандартаар ажилчдаа хангаж ажиллахыг хуульчлан заасан байдаг.  Ажил олгогчид нь хүнд болон ердийн  /Оффисын/ ажлын нөхцөлд аль алинд нь ажилчдын эрүүл мэнд аюулгүй байдлыг хангаж байх үүрэгтэй. Халтиргаатай шал, хүнд ачаа өргөх зэрэг биед хохирол үзүүлэхүйц хүчин зүйлсээс ажилчдаа хамгаалах нь ажил олгогчдын үүрэг төдийгүй тэд ажилчдын сэтгэл зүйд хор учруулахуйц ажлын байрны дарамт үзүүлэх,  хэн нэгнийг дээрэлхэх, хүчирхийлэх, түрэмгийлэх зэргээс ажилчдаа хамгаалдаг байна.  

3. Швейцарь улс

Швейцарь улс эрүүл мэндийн системээрээ дэлхийд тэргүүлдэг.  Швейцарийн засгийн газар нийт дотоодын нийт бүтээгдэхүүнийхээ ердөө 2.7 хувийг л эрүүл мэндэд зарцуулдаг.  Мөн Швейцарь улс нь эрүүл амьдралын хэв маяг, эрүүл мэндийн чанарын асуудлаар дэлхийд дээгүүрт ордог. Тус улсад ажил олгогчоос эсвэл засгийн газраас олгож буй эрүүл мэндийн даатгалын үйлчилгээ байдаггүй. Иргэн, ажилтан бүр өөрсдөө эрүүл мэндийн даатгалд хамрагддаг. Харин даатгалд төлж буй мөнгөн дүн нь эргээл эрүүл мэндийн үйлчилгээ авахад ихээхэн тус дэм үзүүлдэг тул тэд төлж буй даатгалдаа сэтгэл хангалуун үлддэг.  Орлого багатай иргэд нийт орлогын 10-иас илүү хувийг эрүүл мэндийн даатгалд зарцуулахыг хуулиар хориглодог. Үүнээс гадна Швейцарийн нийт иргэдийн 99.5 % нь эрүүл мэндийн даатгалд бүрэн хамрагдсан байдгийн шалтгаан нь тэнд 100 гаруй даатгалын байгууллагууд хямд үнэ, чанартай үйлчилгээг хүргэхээр өрсөлдөж буйтай холбоотой.

БАЙГУУЛЛАГЫН БАГЦ