Ходоодны хавдар гэдэг нь түүний хананд байрладаг шүүс ялгаруулах үүрэгтэй булчирхайлаг эсийн гаж ургалтаас үүсдэг эмгэг өөрчлөлт юм. Эмнэлгийн нэршил нь ходоодны Аденокарцинома.
ДЭМБ-ийн судалгаагаар 2015 онд Монголчууд ходоодны хортхавдараарБНСУ-ындараа хоёрдугаарт орж байсан бол өнгөрсөн онд тус хавдрын тоогоор дэлхийд тэргүүлж эхлээд буй харамсалтай мэдээ байна. Элэгний хавдар болон ходоодны хорт хавдар нь Монгол хүн бүрийн санааг зовоох хэмжээний томоохон асуудал болоод байгааг энэ удаагийн нийтлэлээрээ онцолж байна.
Анагаах ухаан хөгжиж буй энэ үед өвчин эмгэгийг эрт шатанд нь илрүүлсэн тохиолдолд ихэнх өвчнийг бүрэн дүүрэн эмчлэх боломжтой.30-45 насныхан биеийн эрүүл мэнддээ сайтар анхаарч, одоо үүсээд буй өвчин эмгэгийг оношлуулан эмчлүүлэхийн зэрэгцээ ирээдүйд үүсч болохуйц өвчний шинж тэмдэг илэрч байгаа эсэхийг тодорхойлуулснаар амь нас эрүүл мэндээ аварч чадна. Одоогоор манай улсад элэг, уушиг, ходоод, умайн […]
1983 онд Австралийн эрдэмтэн Барри Маршалл, Робин Уоррен нар судалгаа хийж, H-pylori нь жоомтой төстэй, жижиг сахалтай, ходоодны асар хүчиллэг орчинд амьдрах чадвартай, хүний биед маш их хор хөнөөлтэй шимэгч болохыг нь тогтоосон ба хеликобактери нь ходоодыг үрэвслүүлэн, шарх, шархлаа улмаар хавдар үүсгэх аюултай бактери юм.
Хеликобактер пилори гэдэг нь спирал хэлбэртэй, 5х3 микрометр хэмжээтэй, нэг талын төгсгөлдөө 4-6 ширхэг шилбүүртэй ба түүнийхээ тусламжтайгаар хөдөлдөг, ходоодны салст бүрхүүлд амьдарч, ходоод 12 хуруу гэдэсний архаг өвчин үүсгэдэг нян юм.
Ходоодны шархлаа нь хүний ходоод ба 12 хуруу гэдэсний ханын бүрэн бүтэн байдал алдагдсанаас үүсдэг. Энэ өвчнөөр ихэнхдээ 20-50 насны эрэгтэйчүүд өвчилдөг бөгөөд жил ирэх тутам тоо нь нэмэгдсээр байна. Хэрвээ танд болон таны гэр бүлийн гишүүдэд ходоодны шархлаа өвчний шинж тэмдгүүд илэрсэн бол ходоодны шүүс ихээр ялгаруулдаг хоол хүнсийг хязгаарлан юуны түрүүнд хеликобактерийн шинжилгээ өгөөрэй.
Монголчуудын дунд хеликобактери 72-90 хувийн тархалттай байдаг ба хеликобактери нь ходоодны шарх үүсэх гол шалтгаан болдог. Түүнчлэн хеликобактери ихтэй бол ходоодны шарх хавдар болон хүндрэх эрсдэлтэй. Японы эрдэмтэд 12 жилийн хугацаанд хеликобактери илрээгүй хүмүүсийг судалж үзэхэд хавдрын тохиолдол бүртгэгдээгүй байна. Харин хеликобактери илэрсэн хүмүүст хавдар илрэх эрсдэл өндөр байжээ.
